Jazbaat...

Badal  Bebas itna nahi baras raha hoga,

Ho na ho vo dur kahi has raha hoga.

Bundo ki ahato par sur aaya dil fareb,

koi kangan un kalaiyo me khanak raha hoga..

Ab tak taaza hai zehen me vo mulakat ki shaam,

vo bhi us roz ka har lamha palat raha hoga.

Ye hare darkhat jo aaj hai parindo ka basargah,

patjhadh bhi in darkhato ka sach raha hoga..

Ho gaye hai deewane unki chaahat me,
suna hai ishq me unka bhi vahi haal raha hoga.

Na jaane kis khayal me mashgul hai,

unhe bhi khudi ka khayal raha hoga..

Na jaane kyu na keh paaye unse hale dil,
unhe bhi ikraar ka intzaar raha hoga.

Kyu lag raha hai sur khanka hai koi,

koi kangan us payal ka chhanak raha hoga..
Ye phul jo khilkhila rahe hai tut kar,

Ye unke haar ka singaar raha hoga.

Ye gulshan jo hai aaj sukha murjhaya sa,

kabhi unke singaar ka saadhan raha hoga..

Kyu lag raha hai sur khanka hai koi,

koi ghunghru  us payal ka chhanak raha hoga

Na jaane kyu na keh paaye hale dil,

unhe bhi ikraar ka intzaar raha hoga

Na jaane kis khayal me mashgul hai,
unhe bhi khudi ka khayal raha hoga

Ho gaye hai deewane unki chaahat me,

suna hai ishq me unka bhi vahi haal raha hoga…. 

Pari ki kahani, meri zubaani..

Ek ladki thi anjaani si, zindagi uski ek kahani si.
Pyaari ankhe masum chehra, chahate bhi thi bachkani si.
kamre me reh kar likhna gungunana
Takiye ko apni baaho me le kar, Sapno me khoyi, fir muskurati lagti pyari si.
Subah subah geeli dub par chalti, Phoolo ko chhuti,Titliyo ko pakadhti
Atkheliya uski, yaad dilaye bachpan ki.
Chahate anokhi, baato me masumiyat
Maangti bas ek baraf ka gola, Fir chatkare le kar usko chackhti.


Chhat chuki thi bachpan ki aayu
Usme tha par bachpan, ab tak.
Na pasand the use gehne moti,
Phoolo se singaar karti vo
Saawan me bheegna, uska gungunana
Baahe failaye, asmaan ko dekhna,
Ankhe band kar chakhti bundo ko.
Barsaat ke paani me, kagaz ki kashti chalana,
Itne me hi khush ho jaati vo.
Chahate chhoti, andaaz alag the
Duniya ki asliyat se, ab tak bekhabar thi vo.


Ghar bhagti baarish me, Jaa kar bas darpan ke aage,
Gardan jhukaye, kesh nihaarti, Baalo ko suljhaye vo.
Ankho me chamak alag thi, sundarta ki thi paheli vo
Bholi Surat, kajraari ankhe Kitni sundar, khud na pata tha usko.
Jab bhi kehta tha main usse, uske roop ki sachchayi ko,,
Zor se hasti, thi ye keh kar Tumhe kaha se sundar main lagti hoon,
Tum karte ho pariyo ki baate, Main ek aam si ladki hoon..
Kaise samjhaye ab use hum, sundarta ka kya paimana hai,
Na moti hai na kangan jhumke, Ankho me chamak,
hotho par muskurahat, yahi to pariyo ka gehna hai.
Kyu usko hai geheno ki zarurat, dil me chhal na uske hai.


Fir, kuchh din guzre, kuchh mahine guzre,
Thi kahi vadiyo me vo...
Barsaat hui pahadhiyo par, bijli kadhkti, vaadiyo me gunjti,
Darti, kapkapati, kaya me ek sihran uthti, Khidki ke paas ja baithi vo.
Baarish dekhna, bundo ko Sunna , unke sang gungunati vo.
Kuchh dhune churati bundo se, par us par nritya karti vo.
Subah subah jharne par jaa kar, paani ke sang khelti vo,
Baal bhiga ke, haath badha kar, jharne ko mehsus karti vo,
Jharne ke paani me tan bhigoye, pani me haatho se chhap chhap karti vo.


Fir kuchh mahine guzre, mausam guzre,
Samundar kinare aayi thi vo.Nange paav ret par chalna,
Ret ko sanjo ke mehel banana, ret par kuchh likh use mitana,
Nazakat shokhiya bahut thi usme.
Lehro par chalne ki koshish karti, thandi lehero ko mehsus karti.
Ek kinaare par baith kar, suraj dubne ka intzaar vo karti.
Waqt suraj dhalne ka aaya, use samundar me milta paaya.
Nayan band kar, haath failaye, laali ko chehre par mehsus karti..
Adaye alag thi, soch bhi juda thi,


Aaj bhi jab dekhte hai usko, Yahi har baar vo kehti hai,
Main to hoon ek aam si ladki,
Dekho khud ko meri nazar se,
Aayi ho tum kisi dusre jahan se.....

Dhadkano ki zubaan

Raahe zindagi ki asaan nahi hoti,
Kabhi asaan kabhi mushkil har manzil aaam nahi hoti.

Milte hai musafir kayi is raah me,

Kuchh chhut jaate hain is beech, har shakhsiyat khas nahi hoti.

Har mausam ek sa nahi hota, har subah ke baad sham nahi hoti.

Laga baithe dil kisi se to zandagi ka rang hi badal gaya,

Kal tak tha jo kabhi aam vo khas ban gaya.

Har subah nayi, har raat khushgwaar ho gayi,

Pata nahi ye pyar ka nasha tha, jo kisi ki dhadkan bhi khas ban gayi

Na rahi neend ankho me, bhukh pyas chali gayi.

Kya tha ek tasveer me jo saanso me bas gaya,

Har pal use niharna ek kaam ban gaya,

Har pal ankhe dubi si, vo aks dhadkan me bas ke reh gaya.

Kangan, jhumke, singaar uska, Baal reshmi nayan kajrare

Niharte hue saanse tham gayi,

Deedar karne ko uska zindagi betaab hui.

Har nazara subah shaam ka vaisa na raha

Maan me khushi, hotho par muskaan,maano zindagi badal gayi,

Na chahat thi use paane ki, bas aarzu thi uske deedar ki aur saanse tham gayi.

Ise pyar kahe ishq ya mohabbat khud hi na pata,

Shabd jo bayan kar paye ankhe zyada kehti thi,

Bas tasveer se bahar deedar ho arzoo ye rehti thi.

So jaate the ye soch kar shayad sapno me ayegi,

Subah jaldi uthne lage shayad milne vo aayi ho,

Ek tasveer nahi vo jeeta hua sitaara ho,

Nigah hoth par rehti hai meri shayad ye kuchh gungunayenge,

Pyar kitna hain unse ye dil ki dhadkane samjhayengi.

Hain aitbaar hume us par

Log kehte hain ye pyar nahi ek khwaab hai

Vo hai ab tak tasveer me ye uske pyaar ka tohfa hain

Intzaar rehta hai aaj use hamare deedar ka

Nazar lagati hai duniya na jaane vo matlab pyar ka…

Ye pyar nahi hai lafzo ka awaaz hai ye dhadhkan ki,

Taqdeer me hai humaari itna hi is baat se koi gilah nahi

Tasveer hai saamne isse badhi koi wafa nahi

Mahobbat insaan se nahi hoti hai, na vo zubaan se byaan hoti hai

Vo samajhti hai meri dhadkan ko, ye ishq ki ibaadat hoti hai

Na is pyaar par hai umar ka parda, na samay ki koi pabandi hai

Shaam raat din savere ankhe use basa leti hain

Kehne ko nahi hai kuchh magar, vo ankhe bahut kuchh kehti hain

Har rang kudrat ka usme,har chahat uski dhadkan me

Na duri mehsus hoti hai, har dhadkan uski hain hamare sapno me…

Ishq aisi kahani hai,do dilo ki paheli hain

Karte hain mahobbat aaj bhi, lavzo se kabhi ankho se

Rishta nahi hai ye saalo ka, fir bhi basi hai tan mann me

Nahi lavzo se byaan hota ab, dekho hamari ankho me….   

Ek Meetha Lamha

Zindagi kabhi kabhi inthaan leti hain,

Kitaab ke palatte panno ki tarah karvate leti hai,

Har panno me kuchh yadien sametti hui si,

Khilkhilati hui ankho me basi khushi si,

Un zulfo hi hilti lato ki tarah, Un hotho se churayi laali si,

Kuchh pal zindagi ke jannat ban gaye.

Jhumko ki chamak, kesuyo ki mehak,

Sharma ke unka vo haath chhudhana, Fir darke halka sa kapkapana.

Bas yadien reh jaati hai zehen me, Na rehta hai koi tarana.

Sharma ke aana baaho me ban jata hai ek afsaana.

Zindagi kuchh inthaan sa leti hai,

Beeti hui yaade jab aati hai, Neer  chhalak jaata hai nayano se

Maano aks unka kehta ho yaad kar un haseen palo ko,

Ek baar fir muskurana....

Raat neend ke palo me jab milne aati hai

Chham chaam karti payal unki, Hasi khil aaati hotho pe unki.

Phir maano vo pal aaya ho, roz milne vo aati hai

Dekh hume khilkhilati hai, hain unhe intzaar hamara,

Bharosa sa dilaati hai....

Kuchh khatti meethi yaade unki, akele me gudgudati hai

Zindagi kabhi kabhi inthaan leti hain.

Palatte haseen un lamho si kyu karvat leti hai

Mehfuz hai yadien unki, vo tohfe vo baate unki,

Raat me chhup kar chhat par apni,

Dari sehmi si kuchh baate karna, Adaaye alag sit hi bas unki

Saadagi phulo ki si thi kuchh unme, Yaad dilate hai aaj sapne.

Zindagi kabhi kabhi inthaan leti hain

Zindagi kabhi kabhi inthaan sa leti hain…..

Anjaan Ladki

Kal ki shaam dhalti hui si, us par padhti suraj ki chhaya
Aasman me bikharti lali, samundar me kahi duba nazar aaya.

Na koi awaz thi bas thi lehero ki guftgu,

Aapas me takrati lehre, sahil ka tha kinara.

Nange paav ret par chalna, chhuti lehre paav ko,

thandak paani ki aati jati, ek sihran deti kaya ko.

Ehsaas un lehro ka zindagi me bhi aata hai, 

Uthti baithti lehro si bunde padhti ankhon pe.
Thandi hawa ka jhoka aata hua jab chhuta unki zulfo ko,

sawarti lato ko khadi ek ladki failaye apni baho ko.

Ek harkat kari adayo ne, sab kuchh hum bhul gaye,

Ek pal me vo lamha badal gaya jab dekhi muskurahat uske chehre pe.

Ret par likhe nishan mit gaye jab lehere vapas chali gayi, 

kho gaye hum jane kaha uski adaye dekhte hue. 

Ret chamakti gore pairo par, lehero sang hasti gati vo, 

Bunde padhti mano gulab par khilkhilata hua jab hilta vo.

Hawa ke jhoko me ulajhte baal unke, sambhale na sulajhte vo,

hasti hui sawarti baalo ko gardan jhukaye dekhti vo.

Madak muskan bikherti hotho se thodi si kasmasati vo,

Ab hume na hosh reh gaya niharte reh gaye us chehre ko.

Hoth gulabi, bheegi palke hasti khilkhilati vo,

na jane kya ehsaas tha waqt bhi tham na paaya vo.

Nazare jhukaye sharmati hui si, ja chuki thi waha se vo.

Suraj duba andhera chhaya, thodi der baad jab hosh me aaya,

Haqikat thi ya koi khwab kuchh samajh me na aaya,

Ek ajeeb ehsaas hua jab, hawa me baho ko failaya.

Mehsus kiya thandi hawa ko band kar ankhe,

maano chal raha hu un lehero par.

Na koi shaam thi itni khushnuma, jalpari dekhi ho mano,

vo khwab thi ya koi hakikat mushkil tha ye samjhana.

Na aayi raat tab neend hume, muskan thi bas hotho par, 

ankhe chamakti khoyi hui si hue fida hue un baalo par. 

Intzaar tha Suraj ke nikalne ka, Raat bhar dekhe chand sitaare, 

lamhe kaate na katte the, dhundhne par na mila vo chehra beech chand sitaaro me.

Suraj ki pehli kiran ki aas lagaye baithe the,

roke rok paaye na hum pahuche us kinare par.

Raat beeti jab suraj nikla betab thi ankhe uske deedar ko, 

aati hui dur tab nazar aayi vo, 

Baithi kinaare seepiyo se khelti dikhi ret p kuchh likhte hue vo.

Pata tha meri chahat ka shayad, baalo ko apne failati vo, 

muskurate hue unka hume dekhna fir late kaan k peechhe karti vo.

Humne ki kuchh ja kar baate meethi awaz sang khilkhilati vo,

kitna haseen tha vo nazara alvida kar fir chali gayi vo.

Tha intzaar bas agli subah ka, har pal naya tha har lamha alag us din ka,

Agli subah fir hum pahuche arzoo thi uske aane ki,

baithe baithe shaam ho gayi, bas hasrat reh gayi use paane ki..... 

    

  

Darpan

Chehre se zulfe balkhati hui si,
maano sawan ki bunde patto pe.
Ankhe kajrari, sametti madhoshi,
Sametti hui usko pedh ki daali.


Kudrat ki nakkashi h dono hi,
mehfuz rahe us waqt ka guzra lamha
Kesuyo se chamakti chhavi h Unki,
khilti h uske labo pe laali.


Ithlati hui si aada tumhari, kudrat ka ye roop anokha
Chhavi bhi h masum aur pyari.
Vo kangan, vo jhumke uske
Damakte hue vo nayan uske.
Kudrat ka ek karishma ho,
Ek roop me har mausam uske.....

• 
  

Ek khwaab

Dastak Kari kisi ne beech rah sitaro me,
Shirakat Kari jab unhone hamare shamiyane me,
Chhuya unhe to na ruh thi, na zehen bas 1 Arzoo thi ashiyane me...
Kuchh samajh na aaya, rukhsat hui jab vo to ehsaas hua
 hawa ka libas tha unka mere sapne me.....